Sálmur 69

Kingo - Helgi Hálfdanarson
Niels W. Gade 1836 - Sb. 1801

Upp gleðjist allir, gleðjist þér,
í Guði vorum fagna ber,
vort hjálpráð nú er nærri.
ó, heyrið blíðan boðskap þann,
að borinn er í manndóm hann,
sem Guð er, himnum hærri.

2 Burt, hryggð, úr allra hjörtum nú,
kom, heilög gleði, svo í trú
vér Jesú faðmað fáum,
og elskan heit af hjartans rót
þeim himingesti taki mót
með lofsöngs hljómi háum.

3 Ó, virztu, góði Guð, þann frið,
sem gleðin heims ei jafnast við,
í allra sálir senda,
og loks á himni lát oss fá
að lifa jólagleði þá,
sem tekur aldrei enda