Sálmur 16a

Gellert - Valdimar Briem
C. E. F. Weyse 1817 - Sb. 1801

Ó HERRA Guð, þér heiður ber,
mitt hjarta lofgjörð flytur þér.
Þú annazt minn æ hefur hag,
þín hönd mig geymdi nótt og dag.

2 Þá réttum vegi veik ég frá
og villtist lasta brautir á,
þín föðurgæska guðdómleg
mér greiddi' að nýju réttan veg.

3 Þá huggun þráði hjarta mitt,
þú huldir stundum auglit þitt.
Þó lézt þú aldrei einan mig,
og aftur náð þín birti sig.

4 Ég alla blessun þakka þér,
sem þinnar líknar vottur er,
en einkum glaður þakka' eg það,
að þú sem barn mig tókst þér að.